નેતાઓના માર્ગદર્શક કેશુભાઈ પટેલની વિદાય: કચ્છના સાંસદ વિનોદ ચાવડાએ આપી શ્રદ્ધાંજલિ

કચ્છ : રાજ્યના પૂર્વ મુખ્યપ્રધાન કેશુભાઇ પટેલના અવસાનને પગલે કચ્છના સાંસદ વિનોદ ચાવડાએ દુખની લાગણી વ્યક્ત કરી હતી. વિનોદ ચાવડાએ જણાવ્યું હતું કે, સૌથી વધુ લાંબી રાજકીય યાત્રામાં પ્રજાની સેવા કરનારા કેશુભાઈ હંમેશા લોકોની યાદોમાં રહેશે. અનેક જવાબદારીઓ વચ્ચે ગુજરાતની સેવા કરવામાં બાપાએ કોઇ કસર રાખી નથી. અનેક નવા કાર્યકર્તાઓને માર્ગદર્શન આપીને પ્રજા પક્ષ અને ગુજરાતને પોતાની સેવા આપનારા કેશુ બાપાની વિદાયથી સમગ્ર ગુજરાતને ખોટ પડી છે. પ્રભુ તેમની આત્માને શાંતિ આપે, તેવી લાગણી વિનોદ ચાવડા વ્યક્ત કરી હતી.