ગોધરામાં નિર્વિઘ્ને ગણેશ વિસર્જન સંપન્ન, પંચમહાલ જિલ્લા કલેકટર અને જિલ્લા પોલીસવડાએ વિસર્જન યાત્રાનું પ્રસ્થાન કરાવ્યું

પંચમહાલ: ગોધરા શહેરમાં ગણેશજીની ભવ્ય વિસર્જન યાત્રા બાદ ગણેશજીની મૂર્તિઓનું વિસર્જન કરવામાં આવ્યું હતું .વિશ્વકર્મા ચોકથી પંચમહાલ જિલ્લા કલેકટર અને જિલ્લા પોલીસ વડાએ વિસર્જન યાત્રાનું પ્રસ્થાન કરાવ્યું હતું. પરમ્પરાગત રૂટ પર થઈ આ યાત્રા નિકળી હતી. ગોધરાની વિસર્જન યાત્રા મુસ્લિમ વિસ્તારમાં થઈને પસાર થાય છે. અતિ સવેદનશીલ ગણાતી આ યાત્રા દરમિયાન કોઈ અનિચ્છનીય બનાવ ન બને તે માટે તંત્ર દ્વારા સુરક્ષાના સઘન બંદોબસ્ત ગોઠવવામાં આવ્યો હતો. વિસર્જનયાત્રામાં 80 ઉપરાંત ગણેશ મંડળોએ ભાગ લીધો હતો.