આણંદ જિલ્લા ભાજપે વિજય ઉત્સવ ઉજવ્યો

આણંદઃ સ્થાનિક સ્વરાજ્યની ચૂંટણીનો રંગ જામેલો જોવા મળી રહ્યો છે. યોજાયેલી મહાનગરપાલિકાના કોર્પોરેટરની ચૂંટણીનું આજે પરિણામ જાહેર થયું છે, જેમાં ભારતીય જનતા પાર્ટીએ ભવ્ય વિજય મેળવી તમામ 6 મહાનગરપાલિકા પર જીત મેળવી ભગવો લહેરાવ્યો છે. જેના કારણે ભારતીય જનતા પાર્ટીમાં ઉત્સવ જોવા મળી રહ્યો છે. આ પ્રસંગે ભારતીય જનતા પાર્ટીના જિલ્લા પ્રમુખ વિપુલ પટેલ મીડિયા સમક્ષ પાર્ટીના જીત મેળવેલ ઉમેદવારોને અભિનંદન પાઠવી ભારતીય જનતા પાર્ટી આગામી તાલુકા- જિલ્લા પંચાયત અને નગરપાલિકાની ચૂંટણીમાં પણ આ રીતે ભવ્ય જીત મેળવશે. તેવો આશાવાદ વ્યક્ત કર્યો હતો.