ધોરાજીનો ભાદર-2 ડેમના 4 દરવાજા 2 ફૂટ ખોલવામાં આવ્યા, કાંઠાના ગામો એલર્ટ

રાજકોટ: ધોરાજીના ભૂખી ગામ પાસે આવેલ ભાદર-2 ડેમમાં પાણીની આવક થતા 4 દરવાજા 2 ફૂટ ખોલવામાં આવ્યા છે. ઉપરવાસમાં ભારે વરસાદને લઈને ભાદર-2 ડેમમાં 11,000 ક્યુસેક પાણીની આવક થતા ભાદર -2 ડેમના 22 દરવાજા માથી 4 દરવાજા 2 ફૂટ ખોલવામાં આવ્યા છે. હાલ 2 ફૂટ ખોલતા 10.800 ક્યુસેક પાણીની જાવક છે. ધોરાજી ઉપલેટાના ભોળા, છાડવાવદર, ભોલગામડા, સુપેડી સહિતના નીચાણવાળા ગામોને એલર્ટ કરવામાં આવ્યા છે.