અમદાવાદ: પ્રયાગરાજ ખાતે મહાકુંભનું આયોજન કરવામાં આવ્યું છે. જ્યાં અત્યાર સુધીમાં કરોડથી વધુની સંખ્યામાં ભક્તો આસ્થાની ડુબકી લગાવવા આવી રહ્યા છે. ત્યારે મહાકુંભમાં જતા ગુજરાતી શ્રદ્ધાળુઓ માટે એસ.ટી વિભાગ દ્વારા ખાસ બસની સુવિધા શરૂ કરવામાં આવી રહી છે.
3 રાત્રિ અને 4 દિવસનું પેકેજ
એસ.ટી વિભાગ દ્વારા સોમવારથી અમદાવાદના રાણીપ એસ.ટી ડેપો ખાતેથી પ્રયાગરાજ માટે વોલ્વો બસ દોડાવવામાં આવશે. આ વોલ્વો બસ દરરોજ સવારે 7 વાગ્યાથી ઉપડશે. એસ.ટી વિભાગ દ્વારા પ્રતિ વ્યક્તિનું 8100 રૂપિયાનું પેકેજ આપવામાં આવ્યું છે. જે 3 રાત્રિ અને 4 દિવસનું રહેશે. આ પેકેજમાં તમામ 3 રાત્રિ માટે રોકાણ અને બસ મુસાફરીનો સમાવેશ કરવામાં આવ્યો છે. પ્રયાગરાજ ખાતે રાત્રિ રોકાણ ગુજરાત પેવેલિયનની ડોરમેટરી ખાતે કરવામાં આવ્યું છે. આગામી 27મી જાન્યુઆરીએ સોમવારથી આ સેવા શરુ કરવામાં આવશે. પ્રથમ દિવસે CM ભૂપેન્દ્ર પટેલ ગાંધીનગર સર્કીટ ખાતેથી યાત્રાને પ્રસ્થાન કરાવશે.
ક્યાંથી કરવું બુકિંગ?
પ્રયાગરાજ પેકેજનું ઓનલાઇન બુકિંગ તારીખ 25 જાન્યુઆરી 2025થી એસ.ટી નિગમની વેબસાઇટ www.gsrtc.in મારફતે કરી શકાશે.
શ્રદ્ધાળુઓ માટે ઈકોનોમી પેકેજ તૈયાર કરાયું
નોંધનીય છે કે, હિન્દુ સનાતન ધર્મમાં મહાકુંભનું વિશેષ મહત્વ છે, જે 144 વર્ષમાં માત્ર એકવાર આવે છે. આ અવસર પર શ્રદ્ધાળુઓ માટે મહાકુંભની યાત્રા સરળ બનાવવા રાજ્ય સરકારે દરરોજ ગુજરાતથી પ્રયાગરાજ એ.સી. વોલ્વો બસનું સંચાલન કરવાનો નિર્ણય લીધો છે. જે અંતર્ગત રાજ્ય સરકાર દ્વારા ગુજરાતથી દરરોજ એસી વોલ્વો બસ પ્રયાગરાજ ઉપાડવાનો નિર્ણય લઇ શ્રધ્ધાળુને રાત્રિ રોકાણ અને બસ મુસાફરી સાથેનું ઇકોનોમી પેકેજ તૈયાર કરવામાં આવ્યુ છે.
આ પણ વાંચો:
