ભરૂચમાં ડૉ.બાબા સાહેબ આંબેડકર વિશે આપત્તિજનક ટિપ્પણી કરતો વીડિયો વાઇરલ

ભરૂચઃ શહેરમાં ડૉ. બાબા સાહેબ આંબેડકર વિશે આપત્તિજનક ટિપ્પણી કરતો વીડિયો સોશિયલ મીડિયામાં વાઇરલ થતા દલિત સમાજમાં ભારે રોષ જોવા મળી રહ્યો છે. આ વીડિયોમાં કેટલાક યુવાનો દ્વારા બંધારણના ઘડવૈયા ડૉ. બાબ સાહેબ આંબેડકર અંગે આપત્તિજનક ટિપ્પણી કરતો વીડિયો વાઇરલ કરવામાં આવ્યો છે. આ વીડિયોની ખરાઇ કરતા ભરૂચની રેલવે કોલોનીમાં આવેલા એક ગ્રાઉન્ડમાં બનાવવામાં આવ્યો હોવાનું સામે આવ્યું છે. જેમાં આ યુવાનો આંબેડકરને ટેડીબેર સાથે સરખામણી કરતા જોવા મળે છે, ત્યારે આ યુવાનો સામે કાયદેસરની કાર્યવાહી કરવાની માગ ઉઠી છે અને વિરોધ પ્રદર્શન પણ રવામાં આવશે. જો કે, આ અંગે ભારે વિવાદ થતાં આ યુવાનોએ ફરી એક માફી માગતો વીડિયો બનાવીને વાઇરલ કર્યો હતો.