સુરતમાં વધુ એક આગ, સિલાઈના કારખાનામાં આગ, કારીગરોનો આબાદ બચાવ

સુરતઃ શહેરના ઉધના વિસ્તારની શિવ કૃપા ઇન્ડસ્ટ્રીયલમાં આવેલા કારખાનામાં શોર્ટ સર્કિટથી આગ લાગતા નાસભાગની સ્થિતિ સર્જાઈ હતી. આગે વિકરાળ સ્વરૂપ લેતાં ફાયર વિભાગને આ અંગે જાણ કરાઈ હતી. જેના પગલે ફાયરબ્રિગેડની ચાર ગાડીઓ અને ટીમ ઘટના સ્થળે પહોંચી હતી અને આગ પર કાબૂ મેળવ્યો હતો. આ ઘટનામાં ફાયરબ્રિગેડના જવાનોએ કારખાનાંમાંથી ચાર કારીગરોને સુરક્ષિત બહાર કાઢ્યા અને કારખાનામાં પાણીનો મારો ચલાવ્યો હતો.