અમદાવાદ : આજે 12 ફેબ્રુઆરી, બુધવારના રોજ ચંદ્ર કર્ક રાશિમાં છે. આ રાશિફળમાં આપણે જાણીશું કે કઈ રાશિના જાતકોનું આજનો દિવસ સારો રહેશે. કાર્યક્ષેત્રમાં બધી બાર રાશિઓનો દિવસ કેવો પસાર થશે. કોને મળશે પાર્ટનરનો સાથ. આજનું રાશિફળ ચંદ્ર પર આધારિત છે.
મેષ: આજે કર્ક રાશિમાં ચંદ્રનું ભ્રમણ આપની રાશિથી ચતુર્થ ભાવમાંથી થઇ રહ્યું છે. આજના દિવસે આપને વર્તન અને વાણીમાં થોડા સાવધાન રહેવાની સલાહ આપવામાં આવે છે. આજે આપ અતિશય સંવેદનશીલ અને લાગણીશીલ રહો અને તેની અસર સંબંધો પર પડી શકે છે. કોઇકનાં વચનોથી આપને મનદુ:ખ થાય અને આપની લાગણી દુભાય તેવી સંભાવના હોવાથી મન મોટું રાખવું. માતાની તંદુરસ્તી માટે તમારે તેમની સેવા કરવી પડશે. વિદ્યાર્થીઓ માટે મધ્યમ દિવસ છે. આજે માલમિલકત સંબંધી દસ્તાવેજો કરવા અનુકૂળ દિવસ નથી. આપના સ્વાભિમાનને ઠેસ ન પહોંચે તેનો ખ્યાલ રાખવો. આજે સ્ત્રી મિત્રો કે પાણીથી દૂર રહેવા પ્રયત્ન કરવો. એકંદરે દિવસ માનસિક અસ્વસ્થતા અને બેચેનીભર્યો રહે.
વૃષભ: આજે કર્ક રાશિમાં ચંદ્રનું ભ્રમણ આપની રાશિથી તૃતીય ભાવમાંથી થઇ રહ્યું છે. આજે આપની ચિંતાઓમાં ઘટાડો અને ઉત્સાહમાં વધારો થતાં મન પ્રફુલ્લિત રહે. આજે આપ વઘુ પડતી સંવેદનશીલતા અને લાગણીશીલતા અનુભવો. આપની કલ્પનાશક્તિ પૂરબહારમાં ખીલતાં સાહિત્ય લેખનમાં કોઇ કૃતિનું સર્જન કરો અથવા આપ સારું પ્રદર્શન કરી શકો. મનપસંદ ભોજન મળે. ઘરમાં પરિવારજનો, વિશેષ કરીને માતા સાથેની સુસંવાદિતા વધે. પ્રવાસની શક્યતા છે. આજે કૌટુંબિક અને આર્થિક બાબતમાં આપ વધારે ધ્યાન આપશો.
મિથુન: આજે કર્ક રાશિમાં ચંદ્રનું ભ્રમણ આપની રાશિથી દ્વિતિય ભાવમાંથી થઇ રહ્યું છે. થોડા વિલંબ કે અવરોધ બાદ નિર્ધારિત રીતે કાર્ય પાર પાડી શકશો માટે આત્મવિશ્વાસ સાથે આગળ વધવાની સલાહ છે. આર્થિક આયોજન સફળતાપૂર્વક હાથ ધરી શકશો. મિષ્ટાન્ન ભોજન પ્રાપ્ત થાય. વિદ્યાર્થીઓને અભ્યાસ માટે મધ્યમ દિવસ છે. સ્નેહીજનો અને મિત્રો સાથેની મુલાકાતથી આનંદ થાય. ધંધામાં સાનુકૂળ વાતવારણ રહે. આવકમાં વૃદ્ધિ થાય.
કર્ક: આજે કર્ક રાશિમાં ચંદ્રનું ભ્રમણ આપની રાશિથી પ્રથમ ભાવમાંથી થઇ રહ્યું છે. આજે આપ લાગણીના પ્રવાહમાં ગળાડૂબ રહેશો અને કુટુંબીજનો, મિત્રો તથા સગાંસ્નેહીઓ તેમાં સહભાગી બનશે. ભેટ સોગાદની પ્રાપ્તિ થાય. સ્વાદિષ્ટ ભોજન લેવાનું અને બહાર ફરવા જવાનું આયોજન થાય. માંગલિક પ્રસંગોમાં હાજરી આપવાનું બને. આનંદદાયક પ્રવાસ થાય. ધન લાભ થાય. દાંપત્યજીવનમાં ધનિષ્ઠતા અનુભવશો.
સિંહ: આજે કર્ક રાશિમાં ચંદ્રનું ભ્રમણ આપની રાશિથી દ્વાદશ ભાવમાંથી થઇ રહ્યું છે. આજે વધુ પડતી ચિંતા અને લાગણીના કારણે આપ શારીરિક અને માનસિક રીતે થોડી વ્યગ્રતા. જો ખાનપાન અને પૂરતી નિદ્રામાં ધ્યાન આપશો તો શારીરિક અસ્વસ્થતાથી બચી શકશો. ખોટી દલીલબાજી અને વાદવિવાદથી દૂર રહેવાની સલાહ છે. કોર્ટ કચેરીના મામલામાં સાવધાની રાખવામાં આપની ભલાઈ છે. વાણી અને વર્તનમાં સંયમ રાખવો જરૂરી છે. આવક કરતાં ખર્ચ વધે. કોઈની સાથે ગેરસમજ ઉભી ન થાય તેનું ધ્યાન રાખવું.
કન્યા: આજે કર્ક રાશિમાં ચંદ્રનું ભ્રમણ આપની રાશિથી એકાદશ ભાવમાંથી થઇ રહ્યું છે. આજે બહુવિધ લાભનો દિવસ પૂરવાર થશે તેવું લાગી રહ્યું છે. વેપાર ધંધામાં વિકાસ સાથે આવક વધે. નોકરિયાતોને નોકરીમાં લાભની તકો મળે. લગ્નજીવનમાં સુખ સંતોષની અનુભૂતિ થશે. પત્ની, પુત્ર અને વડીલવર્ગ તરફથી લાભ થાય. મિત્રો સાથે રમણીય સ્થળે પર્યટન થાય. સ્ત્રી મિત્રો વિશેષ લાભકારી નીવડશે. સંતાનોના શુભ સમાચાર મળે.
તુલા: આજે કર્ક રાશિમાં ચંદ્રનું ભ્રમણ આપની રાશિથી દશમ ભાવમાંથી થઇ રહ્યું છે. પરિવારમાં આનંદ અને ઉત્સાહનું વાતાવરણ રહે. ઓફિસ અને નોકરીમાં આવકવૃદ્ધિ અને બઢતી માટેના સંજોગો સર્જાય. માતા તરફથી લાભ થાય. ગૃહ સજાવટનું કાર્ય હાથ ધરશો. ઓફિસમાં ઉપરી અધિકારીઓ દ્વારા કામની સરાહના થાય અને તેઓ આપના પ્રેરણાસ્ત્રોત બને. સહકર્મચારીઓનો સાથસહકાર મળે. શરીર સ્વાસ્થ્ય જાળવી શકશો.
વૃશ્ચિક: આજે કર્ક રાશિમાં ચંદ્રનું ભ્રમણ આપની રાશિથી નવમ ભાવમાંથી થઇ રહ્યું છે. આજે દરેક બાબતની નકારાત્મક બાજુઓનો અનુભવ આપને થશે. થાક અને આળસનું પ્રમાણ થોડું વધી જશે જેના કારણે સ્ફૂર્તિનો અભાવ વર્તાશે અને કામમાં મન ઓછુ ચોંટે. આવી સ્થિતિમાં તમે જેટલો વ્યવહારુ અભિગમ રાખશો એટલો તમને ફાયદો છે. નોકરી-વ્યવસાયમાં અવરોધ ટાળવા માટે અગાઉથી વ્યૂહરચના તૈયાર કરીને ચાલવાની સલાહ છે. ઉપરી અધિકારીઓ સાથે વાદવિવાદમાં ઉતરવાનું ટાળશો અને તેમને કોઈપણ નિર્ણય લેવામાં મદદ કરશો તો ફાયદામાં રહેશો. વિદેશગમન માટેની તકો સર્જાય અથવા વિદેશ વસતા આપ્તજનના સમાચાર મળે. સંતાનો અંગે ચિંતા થાય.
ધન: આજે કર્ક રાશિમાં ચંદ્રનું ભ્રમણ આપની રાશિથી અષ્ટમ ભાવમાંથી થઇ રહ્યું છે. અનિચ્છનીય બનાવો, માંદગી, ક્રોધાવેશ વગેરે માનસિક રીતે કોઈપણ વ્યક્તિને તોડી શકે છે માટે આજના દિવસમાં શક્ય હોય ત્યાં સુધી ગુસ્સા પર કાબુ રાખવાની સલાહ છે. જેમની તબિયત પહેલાથી ખરાબ હોય તેમણે પણ સારવારમાં વિશેષ સાવધાની રાખવી. સરકાર વિરોધી પ્રવૃત્તિઓથી બચીને રહેવું અને નવા સંબંધો બાંધવામાં પણ સામેના પાત્રને જોઈ-પારખીને આગળ વધવું. ભોજનના શિડ્યુલમાં અનિયમિતતા આવી શકે છે. વધારે ખર્ચ પર અંકુશ રાખવાની સલાહ છે.
મકર: આજે કર્ક રાશિમાં ચંદ્રનું ભ્રમણ આપની રાશિથી સપ્તમ ભાવમાંથી થઇ રહ્યું છે. વિચાર વર્તનમાં ભાવુક્તા વિશેષ પ્રમાણમાં રહે. એમ છતાં આપ પરિવારજનો અને મિત્રો સાથે ખુશખુશાલ દિવસ પસાર કરશો. તનમનમાં સ્ફૂર્તિ અને પ્રફુલ્લિતતા રહેશે. વ્યવસાયમાં વૃદ્ધિ થાય. દલાલી, વ્યાજ, કમિશન દ્વારા આપની આવકમાં વધારો થાય. ભાગીદારીમાં લાભ થાય. જાહેર જીવનમાં આપની માન પ્રતિષ્ઠા વધે. મુસાફરી શક્ય બનશે. વિજાતીય વ્યક્તિ પરત્વે આકર્ષણ થાય.
કુંભ: આજે કર્ક રાશિમાં ચંદ્રનું ભ્રમણ આપની રાશિથી ષષ્ટમ ભાવમાંથી થઇ રહ્યું છે. આજે કરેલા કાર્યમાં આપને યશ, કીર્તિ અને સફળતા મળશે. કુટુંબમાં સંપસુમેળનું વાતાવરણ રહે. શરીર અને મનની સ્વસ્થતા જળવાશે. આપના વિચાર અને વર્તનમાં લાગણીશીલતા વધારે રહે. નોકરીમાં સાથી કર્મચારીઓ સહકાર આપશે. નોકર ર્ગ અને મોસાળ પક્ષથી લાભ થાય. જરૂરી કામમાં જ ધનખર્ચ થશે. વિરોધીઓ કે હરીફોનો પરાજય થશે.
મીન: આજે કર્ક રાશિમાં ચંદ્રનું ભ્રમણ આપની રાશિથી પંચમ ભાવમાંથી થઇ રહ્યું છે. આપનામાં રહેલી સર્જનાત્મકતાને વેગ મળતાં આપ સાહિત્યક્ષેત્રે લેખનવાંચન કાર્યમાં ઉંડો રસ ધરાવશો. હૃદયની ઋજુતા પ્રિયજનોને નિકટ લાવશે. સ્વભાવમાં લાગણીશીલતા અને કામુક્તાનું પ્રમાણ વધારે રહે. આરોગ્યની દૃષ્ટિએ મધ્યમ દિવસ. વિદ્યાર્થીઓ અભ્યાસમાં સારો દેખાવ કરશે. માનસિક સમતુલા અને વાણી પર સંયમ જાળવવો જરૂરી છે.
