અંક્લેશ્વરના ખરોડ ગામમાંથી અમરેલીના યુવાનનો મૃતદેહ મળી આવ્યો, હત્યાની આશંકા

ભરૂચઃ અંકલેશ્વર તાલુકાનાં ખરોડ ગામની સીમમાં આવેલા ખંડેર જેવા મકાનમાંથી એક યુવાનનો મૃતદેહ મળી આવ્યો છે. જેનું ગળું દબાવીને પથ્થરથી માથું છૂંદી હત્યા કરાય હોવાનું સામે આવ્યું છે. આ ઘટના અંગે અંકલેશ્વર તાલુકા પોલીસને જાણ થતાં પોલીસ કાફલો ઘટના સ્થળે દોડી આવ્યો હતો અને તપાસ હાથ ધરી હતી. આ તપાસ દરમિયાન યુવાનની ઓળખ અમરેલી જિલ્લાના હેમખિમડી ગામના દિલીપ ઉર્ફે દિલો ડોન જેસિંગભાઈ માધાભાઈ બારેયા તરીકે કરવામાં આવી છે.