ડીસામાં સ્વામી વિવેકાનંદની જન્મ જયંતીની ઉજવણી કરાઈ

બનાસકાંઠાઃ સ્વામી વિવેકાનંદની 157મી જન્મ જયંતીની ઉજવણી ભારતભરમાં થઇ રહી છે. ત્યારે ડીસા શહેરમાં પણ ભાજપ, કોંગ્રેસ અને વિશ્વ હિન્દુ પરિષદના કાર્યકર્તાઓ દ્વારા પણ જન્મ જયંતીની ઉજવણી કરાઈ હતી. જેમાં વિવેકાનંદજીના વિચારો લોકો સુધી પહોંચે તે હેતુથી ‘સ્વામી વિવેકાનંદ અમર રહો’ના નારા લગાવવામાં આવ્યા હતા. તો બીજી તરફ ભાજપના કાર્યકર્તાઓએ CAAના સમર્થનમાં એક રેલીનું આયોજન કર્યુ હતુ. જે રેલી ડીસા નગરપાલિકાથી નીકળી ડીસા શહેરના ફુવારા સર્કલથી પસાર થઈ સાંઈબાબા મંદિર ખાતે પહોંચી હતી.