પાટણના બાલીસણા આંગણવાડીની બહેનોએ ઘરે-ઘરે સુખડીનું વિતરણ કર્યું

પાટણ: કોરોનાની મહામારીમાં બાળકોને પોષણ મળી રહે અને તેમની રોગપ્રતિકારક શક્તિ જળવાઈ રહે, તે માટે રાજ્ય સરકારે આંગણવાડીમાં જતાં બાળકોને ઘેર-ઘેર સુખડીનું વિતરણ કરવાનું આયોજન કર્યું છે. જે અંતર્ગત પાટણ જિલ્લામાં દરેક આંગણવાડી કેન્દ્ર ખાતેથી 0થી 6 વર્ષના બાળકોને સુખડી વિતરણ કરવામાં આવી રહી છે. પાટણ તાલુકાના બાલીસણા ગામે પણ આ આયોજન થકી સુખડી વિતરણનો કાર્યક્રમ યોજાયો હતો. જેમાં સુપરવાઈઝરની ઉપસ્થિતિમાં આંગણવાડી બહેનોએ બાળકોના ઘેર ઘેર જઈ એક કિલો સુખડીનું વિતરણ કર્યું હતું.