રાજકોટમાં સ્ટેટ વિઝીલિયન્સની ટીમે ગોંડલ હાઇવે પર દારૂ ભરેલ કન્ટેનર ઝડપ્યું

રાજકોટઃ ગોંડલ હાઇવે પર દારૂ ભરેલ કન્ટેનર ઝડપાયું. સ્ટેટ વિઝીલિયન્સ ટીમને શંકા જતા કંન્ટેનરને અટકાવી તપાસ કરતા વિદેશી દારૂનો જથ્થો મળી આવ્યો હતો. ગોંડલ-રાજકોટ નેશનલ હાઈવે ઉમવાડા ચોકડી પાસે સ્ટેટ વિજિલન્સ ટીમે હરિયાણા પાસિંગની ટ્રક નંબર HR74 A 6601 ઉપર શંકા જતા તપાસ કરતા તેમાં વિદેશી દારૂનો જથ્થો મળી આવતા ડ્રાઈવરની અટકાયત કરી આગળની કાર્યવાહી હાથ ધરી હતી. પોલીસે જણાવ્યું હતું કે, અંદાજે આ કન્ટેનરમાં 600થી 700 પેટી જેટલો વિદેશી દારૂ રાખ્યો હતો. વિદેશી દારૂનો જથ્થો ક્યાંથી ક્યાં લઈ જવામાં આવી રહ્યો હતો તે અંગે પોલીસે ડ્રાઈવરની પૂછપરછ શરૂ કરી છે.