મહાવીર એન્કલેવમાં ફ્યુઝન અને ફોક મિશ્રિત ગરબાનું અનોખું પર્ફોર્મન્સ યોજાયું

અમદાવાદઃ નવરાત્રી દરમિયાન વરસાદે વિરામ લેતા ગુજરાતમાં ગરબા પ્રેમી ખેલૈયાઓ મન મૂકીને ગરબામાં ઝૂમી રહ્યા છે. ઉપરાંત ગરબામાં પણ નિત નવા ટ્રેન્ડ અને અલગ-અલગ સ્ટાઈલો પણ ઉમેરી અને પારંપારિક તેમ જ પૌરાણિક ગરબાની સાથે કંઈક નવું જ શીખી રહ્યા છે. આવું જ એક અદભુત પરફોર્મન્સ કોબા ખાતે આવેલા મહાવીર એન્કલેવના ગરબા પ્રેમીઓ દ્વારા રજૂ કરવામાં આવ્યું હતું. જેને ફ્યુઝન એન્ડ ફોક કોમ્બિનેશન ગરબા કહેવાય છે. ગરબાની વચ્ચે-વચ્ચે ફ્યુઝન અને ફોકના મિશ્રણથી ખેલૈયા તેમજ ગરબા નિહાળવા આવેલા દર્શકો પણ ઝૂમી ઉઠયા હતા.