જામનગરમાં મહેસુલ બાદ પાણી પુરવઠાના કર્મચારીઓએ હડતાળનું હથિયાર ઉગામ્યું

જામનગરઃ રાજ્યભરમાં અને જામનગરમાં પાણી પુરવઠા અને ગટર વ્યવસ્થા બોર્ડના કર્મચારીઓ દ્વારા વિવિધ પડતર માંગણીઓને લઈને 1 સપ્ટેમ્બરથી આંદોલન શરૂ કરી દેવામાં આવ્યું છે. જો કે, બે દિવસ રજાઓના કારણે કર્મચારીઓ આંદોલનમાં જોડાયા ન હતાં, પરંતુ આજથી રજાઓ પુરી થયા બાદ આંદોલનનો પ્રારંભ થયો છે. આંદોલનના પ્રારંભિક તબક્કે વર્ક-ટુ-રુલ મુજબ બે સપ્તાહ સુધી કામગીરી કરી વિરોધ નોંધાવવામાં આવશે અને ત્યારબાદના આગળના કાર્યક્રમો મંડળ દ્વારા નક્કી કરાશે. ત્યારે જામનગરમાં આજે જલ ભવન ખાતે કર્મચારીઓ વિવિધ પડતર માંગણીઓને લઈને આંદોલન શરૂ કર્યું છે.