જામનગર: ધ્રોલમાં દિવ્યરાજસિંહ પર થયેલા ફાયરિંગના CCTV ફૂટેજ સામે આવ્યા

જામનગર: ધ્રોલમાં ધોળે દહાડે ગોળીબાર કરી દિવ્યરાજસિંહ નામના વ્યક્તિને મોતને ઘાટ ઊતારવામાં આવ્યો હતો. ફાયરિંગના CCTV ફૂટેજ સામે આવ્યા છે. મળતી માહિતી પ્રમાણે દિવ્યરાજસિંહ પેટ્રોલ પમ્પ પાસેથી પોતાની કાર પાસે જઈ રહ્યાં હતાં. તે દરમિયાન બે શખ્સો હાથમાં પિસ્તોલ લઈ ધસી આવે છે અને દિવ્યરાજસિંહ પર ધડાધડ ચારથી પાંચ રાઉન્ડ ફાયરિંગ કરે છે. દિવ્યરાજસિંહને માથાના ભાગે તેમ જ છાતીના ભાગે ગોળીઓ વાગે છે. આ હિચકારા કૃત્યના સીસીટીવી સામે આવ્યાં છે.