સોમનાથ મહાદેવને તિરંગા વસ્ત્રો પહેરાવીને સ્વાતંત્રતા દિવસની કરાઈ ઉજવણી

75માં સ્વાતંત્રતા પર્વ દિવસે પ્રભાસ તીર્થ ક્ષેત્રમાં આવેલા પ્રથમ જ્યોતિર્લિંગ સોમનાથ મહાદેવ પર તિરંગાનો શણગાર કરીને રાષ્ટ્રના પાવન પર્વની ધાર્મિક ઉજવણી કરવામાં આવી હતી. આ દરમિયાન, મહાદેવને ખાસ તિરંગા વસ્ત્રો પહેરાવીને શ્રાવણ મહિનાની સાથે રાષ્ટ્રના આઝાદી પર્વની પણ ઉજવણી કરીને તેને તિરંગાથી શણગાર કરવામાં આવ્યો હતો, જેના દર્શન કરીને ભાવિ ભક્તો ભાવવિભોર બન્યા હતા. આ ઉપરાંત, સોમનાથ મંદિર પરિસરમાં રાષ્ટ્રીય અને ધાર્મિક તહેવારોને લઈને ખાસ વિશેષ ઉજવણી વર્ષોથી થતી આવી છે, તે મુજબ આ વર્ષે પણ સ્વાતંત્ર પર્વ નિમિત્તે સોમનાથ મહાદેવને તિરંગાનો શણગાર કરીને રાષ્ટ્રીય પર્વની ઉજવણી કરાઇ હતી.