જૂનાગઢના માંગરોળ અને માળીયા હાટીના પંથકમાં ધોધમાર વરસાદ

જૂનાગઢઃ માંગરોળ અને માળીયા હાટીના પંથકમાં મંગળવારે સવારથી જ ગાજવીજ સાથે ધોધમાર વરસાદ વરસ્યો છે. ખાસ કરીને જોઈએ તો ગયા વખતે મગફળીનું વાવેતર કરીને મગફળી તૈયાર થતાં વાઢ કરેલા પાથરા ખેતરોમાં પડ્યા હતા અને વરસાદ થતા મગફળીના પાકને ભારે નુકસાન થયું હતું, ત્યારે મંગળવારે વરસાદ આવતા ફરીવાર ખેડૂતોએ તૈયાર કરેલા ઉનાળુ મગફળી તેમજ તલ અડદ મગ સહીતના પાકને ભારે નુકશાન થયાનું સામે આવ્યું છે. હાલ સતત બે દિવસથી પડી રહેલા વરસાદ થી એક તરફ ખેડૂતોને વાવણી કરવામાં લાભ થયો છે, તો બીજી તરફ તૈયાર થયેલા પાકમાં ભારે નુકસાની થયાનું સામે આવ્યું છે.