મહીસાગરમાં કોરોનાના વધુ 13 કેસ નોંધાયા, 2ના મોત

મહીસાગર: જિલ્લામાં કોરોનાનો કહેર યથાવત છે. આજે સોમવારે જિલ્લામાં વધુ 13 કેસ કોરોના પોઝિટિવ નોંધાયા છે. નવા 13 કેસમાંથી લુણાવાડામાં 7, બાલાસિનોરમાં 3, ખાનપુરમાં 1 અને સંતરામપુરમાં 2 નવાં કેસ નોંધાયા છે. આ સાથે જિલ્લામાં કોરોના પોઝિટિવ કેસની કુલ સંખ્યા 263 પર પહોંચી છે. કોરોનાથી આજે 2 દર્દીઓના મોત થયાં છે. અત્યાર સુધીમાં જિલ્લામાં કોરોના સંક્રમણને કારણે 16 મૃત્યુ નોંધાયા છે. આ ઉપરાંત 39 દર્દીઓ બાલાસિનોરની (કોવિડ-19) કે.એસ.પી. હોસ્પિટલમાં સારવાર લઈ રહ્યા છે તો અન્ય 31 દર્દીઓ જિલ્લા બહાર સારવાર લઈ રહ્યા છે.