ભાજપનું સંગઠન ચૂંટણીમાં વિજયની તાકાત છે : પ્રદેશ પ્રમુખ સી.આર.પાટીલ

કચ્છ : ગુજરાત વિધાનસભાની 8 પેટા ચૂંટણીઓમાં પ્રતિષ્ઠા દાવ પર લાગી છે. ત્યારે ભાજપ પ્રદેશ પ્રમુખ સી. આર. પાટીલે કચ્છમાં પ્રથમ વખત નખત્રાણા ખાતે સભાને સંબોધન કર્યું હતું. કાર્યકર્તા અને અપેક્ષિત આગેવાનોને સંબોધન કરતા સી. આર. પાટીલ અબડાસાની પરંપરાગત કોંગ્રેસની બેઠક ગણાતી બેઠક જીતી લેવા કાર્યકરોને હાંકલ કરી હતી. આ સાથે સંગઠનના જોરે ચૂંટણી જીતવાનો માર્ગ દર્શાવ્યો હતો. પાટીલે જણાવ્યું હતું કે, ભાજપનું સંગઠન તેના વિજયનો માર્ગ છે, કચ્છમાં પેજ સમિતિ બનાવીને 35 હજારથી વધુ કાર્યકર્તાઓને તેની જવાબદારી પણ સોંપી દેવામાં આવી છે. અબડાસા બેઠકની પેટા ચૂંટણીમાં ભાજપના કાર્યકરો અને સંગઠન વિજય મેળવશે તેવો વિશ્વાસ પણ તેમને વ્યક્ત કર્યો હતો.