ભરૂચ જિલ્લામાં કોરોના વાઇરસનો વધુ એક પોઝિટિવ કેસ નોંધાયો

ભરૂચઃ શહેર અને જિલ્લામાં કોરોના વાઇરસના કેસ દિનપ્રતિદિન વધી રહ્યા છે, ત્યારે આજે સતત આઠમા દિવસે કોરોનાનો વધુ એક પોઝિટિવ કેસ નોધાયો છે. આમોદ તાલુકાના આછોદ ગામે રહેતી અને આશાવર્કર તરીકે કામ કરતી 42 વર્ષીય મહિલા હલીમા પટેલનો કોરોના વાઇરસનો રિપોર્ટ કરવામાં આવ્યો હતો. જે પોઝિટિવ આવતા મહિલાને સારવાર અર્થે હોસ્પિટલ ખસેડવામાં આવી છે. આ સાથે જ ભરૂચ જિલ્લામાં કોરોનાના પોઝિટિવ કેસની સંખ્યા 60 પર પહોચી છે. જે પૈકી ચાર દર્દીઓના મોત થયા છે. 35 દર્દી સાજા થતા તેઓને રજા આપવામાં આવી છે. હવે જિલ્લામાં કુલ 20 કેસ એક્ટીવ છે.