જામનગરમાંથી ટ્રકમાં સંતાડેલા વિદેશી દારૂના જથ્થા સાથે ત્રણની ધરપકડ

જામનગરઃ શહેરના કાલાવડ રોડ પરથી ટ્રકમાં ઈંગ્લીશ દારૂનો જથ્થો આવવાનો હોય અને આ ટ્રકની આગળ પાયલોટીંગમાં ઈકો કાર હોવાની સીટી એ ડિવિઝનના હે.કો. સંદીપ ચુડાસમા તથા પો.કો. યોગરાજસિંહ રાણા, મહાવીરસિંહ જાડેજાને બાતમી મળી હતી. બાતમીના આધારે જિલ્લા પોલીસવડા શરદ સિંઘલની સૂચનાથી ડીવાયએસપી એ.પી. જાડેજાના માર્ગદર્શન હેઠળ પીઆઈ એમ.આર. ગોંડલિયા, પીએસઆઇ એમ.વી. મોઢવાડિયા તથા પો. હેે.કો. સંદીપભાઈ ચુડાસમા, નરેન્દ્રસિંહ ઝાલા, મુકેશસિંહ રાણા, રામદેવસિંહ જાડેજા, પો.કો. અલ્તાફભાઈ સફિયા, યોગરાજસિંહ રાણા, શિવભદ્રસિંહ જાડેજા, ફિરોજભાઈ ખફી, પ્રવિણભાઈ પરમાર, મહાવીરસિંહ જાડેજા તથા જીતેન્દ્રસિંહ જાડેજા સહિતના સ્ટાફે વોચ ગોઠવી હતી. તે દરમિયાન પસાર થતી જીજે-03-બીવી-7730 નંબરની ઈનોવા કાર અને જીજે-03-એડબલ્યુ-4215 નંબરના ટ્રકને મહાપ્રભુજીની બેઠક રોડ પર પાણીના ટાંકા નજીક આંતરી લીધા હતાં. ટ્રકમાં તપાસ કરતાં 749 નંગ વિદેશી દારુની બોટલ મળી આવી હતી. પોલીસે ટ્રક, દારુનો મુદ્દામાલ કબ્જે કરી ત્રણ લોકોની ધરપકડ કરી છે.