ભાજપે કહ્યું, 60થી વધુ સરપંચો જોડાયા, તો AAPએ કહ્યું, માત્ર 6 જ જોડાયા

ગુજરાતમાં જેમ જેમ વિધાનસભાની ચૂંટણી 2022 નજીક આવતી જઈ રહી છે, તેમ તેમ તમામ પક્ષો દ્વારા કાર્યકર્તાઓ, નેતાઓને જોડવાની કામગીરી સતત જોવા મળી રહી છે. આ દરમિયાન, જૂનાગઢના માળીયા હાટીના ખાતે કેન્દ્રીય કૃષિ પ્રધાન પરસોત્તમ રૂપાલાની ઉપસ્થિતિમાં સરપંચનું સંમેલન યોજવામાં આવ્યું હતું. આ કાર્યક્રમમાં તેમણે કહ્યું કે, 60 જેટલા સરપંચો ભાજપમાં જોડાયા છે. આ સાથે જ તેમણે કહ્યું કે વડાપ્રધાન મોદીની નીતિને કારણે દરેક સરપંચોને ખુબ જ ફાયદો થયો છે. આથી તમામ સરપંચ ભાજપમાં જોડાયા છે. આ સામે આમ આદમી પાર્ટીના નેતાએ વળતો પ્રહાર કરતા કહ્યું કે, ભાજપના આ કાર્યક્રમમાં વધુમાં વધું 7થી 8 સરપંચો જોડાયા છે. ભાજપની 60થી વધુ સરપંચો જોડાવાની વાત માત્ર હવામાં છે. કેન્દ્રીય પ્રધાનના નિવેદન પર આપના નેતા પિયુષ પરમારે આકરા પ્રહારો કર્યા હતા. BJP sarpanch convention, Assembly Election 2022