અમદાવાદ: ભડીયાદ ખાતે આવેલા હઝરત મહેમુદ શાહ બુખારીના ઉર્સ નિમિત્તે એક દુર્ઘટના ઘટી છે. બગોદરાથી જવાના માર્ગ ઉપર પદયાત્રીઓ માટે જઈ રહેલી ટ્રકના ઉપરના ભાગે વીજવાયર અડી જતા 4 લોકોને કરંટ આવ્યો હતો. જેમાંથી 2 વ્યક્તિના ઘટના સ્થળે મોત થયા છે. જેમાં એક 21 વર્ષનો યુવક અને 36 વર્ષની મહિલાનો સમાવેશ થાય છે. આ શ્રદ્ધાળુઓ સેવાલિયા તાલુકાના વતની હતા. તેમના ટ્રકને રોડ નીચે ઉતરતા સમયે વીજ કરંટ લાગ્યો હતો. આ ગાડી નીચે ઉતરતી હતી તે સમયે વીજળીની મેન લાઈનના વાયરો અડી જતા દુર્ઘટના ઘટી હતી.
ટ્રક રોડની નીચે ઉતારતા સમયે દુર્ઘટના
ભડીયાદ ખાતે આવેલા હઝરત મહેમુદ શાહ બુખારીના ઉર્સ નિમિત્તે ગુજરાત ભરમાં મેદનીમાં લોકોની પગપાળા મેદની નીકળે છે. ગઈકાલે અમદાવાદ શહેરના જમાલપુરથી 'ધુમ દાદા ધુમ બુખારી'ની પગપાળા મેદની નીકળી હતી. તે દરમિયાન એક મોટી ઘટના બની છે. જેમાં ફેદરા ગામ પાસે ગાડી સાઈડમાં કરવા જતા ટ્રકને કરંટ લાગતા મેદની સાથે ગાડીમાં રહેલા ચાર વ્યક્તિને કરંટ લાગ્યો હતો. જેમાં એક બાળકી, એક મહિલા અને બે યુવાનોને બીજ કરંટ લાગ્યો હતો. ત્યારબાદ 108 ફેદરા દ્વારા ઘાયલોને ગંભીર હાલતમાં ધંધુકા સરકારી હોસ્પિટલમાં સારવાર હેઠળ લઈ જવામાં આવ્યા હતા.
સેન્ટ્રલ મેદની કમિટીનું લોકોને તકેદારી રાખવા સૂચન
આ અંગે ETV Bharat દ્વારા સેન્ટ્રલ મેદની કમિટીનો સંપર્ક કરવામાં આવતા તેમણે ઘટનાની પુષ્ટિ કરી હતી. આ ઘટના બાદ ભડીયાદ ઉર્સ કમિટી દ્વારા અપીલ કરવામાં આવી છે કે, મેદનીમાં ચાલતા વાહન લઈને આવતા લોકો સાવચેતી રાખે. તેમજ આપના વાહન રોડની સાઈડ પર ઉતારવામાં તકેદારી રાખો. ઉલ્લેખની છે કે, અમદાવાદ સેન્ટ્રલ મેદની કમિટી દ્વારા દર વર્ષે હઝરત મહેમુદ શાહ બુખારીની મેદની કાઢવામાં આવે છે. આ મેદનીમાં બધા જ ધર્મના લોકો પગપાળા ભડીયાદ જાય છે અને પોતાની મન્નત કે બાધા માંગે છે અને ભડીયાદ પીર હઝરત મહેમુદ શાહ બુખારી તેમની મન્નતોને પૂરી કરે છે.
આ પણ વાંચો:
