Fire in Ahmedabad : અમદાવાદમાં એક બાદ એક ગેસ સિલિન્ડરના ધડાકા

અમદાવાદ : અમદાવાદ શહેરના નિકોલ વિસ્તારમાં (Fire in Ahmedabad) કઠવાડા રોડ ઉપર ઈશ્વર દાદાજીની વાડી પાસે આવેલા ગેસના બાટલાના (LPG Gas Exploded) ગોડાઉનમાં ભીષણ આગ લાગતા નાસભાગ મચી ગઇ હતી. બનાવની જાણ થતા ફાયર બ્રિગેડની 7 ગાડીઓ ઘટના સ્થળે રવાના કરવામાં આવી હતી. LPG ગેસના બાટલા હોવાથી આગ ખૂબ જ ફેલાઇ હતી. એક બાદ એક ગેસના બાટલા ફાટતા લોકોમાં ડરનો માહોલ ફેલાયો હતો. આ ગોડાઉન રાકેશ સિંહ બિહોલા નામના વ્યક્તિની માલિકીનું છે તેવું જાણવા મળ્યું છે. સંજય પટેલ નામના વ્યક્તિને ગોડાઉન ભાડે આપવામાં આવ્યું હતું. કાચું પતરા વાળા મકાનમાં LPG ગેસ સિલિન્ડર રાખવામાં આવ્યા હતા. કોઈ આકસ્મિક કારણોસર આગ લાગી હોવાનું જાણવા મળ્યું છે. જોકે હાલમાં પોલીસ અને ફાયરબ્રિગેડ દ્વારા આ સમગ્ર મામલે (Fire in Nicole) તપાસ કરવામાં આવી રહી છે.