કોરોના સંક્રમણને પગલે મહુવા માર્કેટિંગ યાર્ડ 16 જુલાઈથી 26 જુલાઈ સુધી બંધ રહેશે

ભાવનગરઃ જિલ્લામાં કોરોના વાઇરસનું સંક્રમણ સતત વધી રહ્યું છે. કોરોના સંક્રમણને અટકાવવા માટે તંત્ર સતત પ્રયત્ન કરી રહ્યું છે. આ દરમિયાન ભાવનગર જિલ્લાના મહુવા ખેત ઉત્પન્ન બજાર સમિતિ આગામી તા- 16/7/2020થી 26/7/2020 સુધી બંધ રાખવાનો નિર્ણય કરવામાં આવ્યો છે. આ દરમિયાન શાકભાજી સિવાય તમામ પ્રકારની ખેત જણસની ખરીદી-વેચાણ સદંતર બંધ રહેશે. મહુવા માર્કેટિંગ યાર્ડ વહીવટી તંત્રએ ખેડૂતોને આ કટોકટીના સમયમાં સાથ સહકાર આપવા અપીલ કરી હતી.