લાંબા વિરામ બાદ આખરે સુરત જિલ્લામાં મેઘરાજા થયા મહેરબાન

સુરતમાં આખરે મેઘરાજા મહેરબાન થયા હતા. જુલાઈ મહિનામાં ઠીકઠાક વરસાદ વરસ્યા બાદ મેઘરાજાએ જાણે વિદાય લઈ લીધી હોય તેમ લાગી રહ્યું હતું. યોગ્ય વરસાદ ન વરસતા ખેડૂતના પાક પણ સુકાઇ રહ્યા હતા. જ્યારે બપોર બાદ ઓલપાડ, માંગરોળ સહિતના વિસ્તારોમાં મેઘરાજા મન મુકીને વરસતા ખેડૂતોના પાકને નવું જીવનદાન મળતા ખેડૂતો ખુશખુશાલ થઈ ગયા હતા.