દિવાળીને નિમિત્તે રાજકોટમાં ચુસ્ત પોલીસ બંદોબસ્ત

રાજકોટઃ દિવાળીના પર્વ દરમિયાન શહેરમાં કોઈ અનિચ્છનીય બનાવ ન બને તે માટે ચુસ્ત પોલીસ બંદોબસ્ત ગોઠવવામાં આવ્યો છે. રાજકોટના વિવિધ વિસ્તારમાં ટ્રાફિક પોઈન્ટ પર પોલીસ ફરજ બજાવશે. જ્યારે દિવાળી દરમિયાન સિવિલ ડ્રેસમાં પોલીસ જવાનો તૈનાત રહેશે. આ સાથે જ તહેવાર નજીક આવશે, ત્યારે પોલીસ દ્વારા શહેરના વિવિધ વિસ્તારમાં ફૂટ પેટ્રોલીંગ, વાહન ચેકીંગની કામગીરી હાથ ધરવામાં આવશે. ઉપરાંત રાજકોટ પોલીસ કમિશ્નર દ્વારા તહેવારને લઈને જાહેરનામું પ્રસિદ્ધ કરવામાં આવ્યું છે. જેમાં સૌને ટ્રાફિકને પાલન કરવા અને સંતર્ક રહેવા જણાવ્યું છે.