કાર વિદ્યાર્થીને 1 કિમી સુધી ખેંચી ગઈ, ટોળાએ ડ્રાઈવરને ઢીબી નાખ્યો

ઉતર પ્રદેશ : જિલ્લામાં દિલ્હી હોરર કેસ જેવી ઘટના સામે આવી છે. અહીં સ્પીડમાં આવતી કાર સાયકલ સવાર વિદ્યાર્થીને લગભગ એક કિલોમીટર દૂર(Car dragged student in Hardoi) ખેંચી ગઈ હતી. જ્યારે રસ્તા પર ઉભેલા ટોળાએ આ જોયું તો તેઓ દોડીને કાર રોકી હતી. આ પછી લોકોએ વિદ્યાર્થીને બહાર કાઢ્યો. આ દરમિયાન રોષે ભરાયેલા ટોળાએ કાર ચાલકને પણ માર માર્યો હતો. ઘટનાની જાણ થતા પોલીસે ઘટના સ્થળે પહોંચી કાર ચાલકને કસ્ટડીમાં લીધો હતો. તે જ સમયે, ઘાયલ વિદ્યાર્થીને સારવાર માટે જિલ્લા હોસ્પિટલમાં દાખલ કરવામાં આવ્યો છે. સીઓ વિકાસ જયસ્વાલે જણાવ્યું કે કોચિંગમાં જઈ રહેલા એક વિદ્યાર્થીની હરદોઈમાં કોતવાલી શહેર વિસ્તારના સોલ્જર બોર્ડ ઈન્ટરસેક્શન પાસે કાર સાથે ટક્કર થઈ હતી. જે બાદ વિદ્યાર્થીનો પગ કારમાં જ ફસાઈ ગયો અને તે તેની સાથે ખેંચતો(car dragged a student) ગયો. ઘાયલ વિદ્યાર્થીને સારવાર માટે જિલ્લા હોસ્પિટલમાં મોકલવામાં આવ્યો છે, ડ્રાઈવરને કસ્ટડીમાં લેવામાં આવ્યો છે, કાયદેસરની કાર્યવાહી કરવામાં આવી રહી છે. તે જ સમયે, ઘટનાનો એક વીડિયો પણ સામે આવ્યો છે, જેમાં વિદ્યાર્થીએ અવાજ ઉઠાવ્યા બાદ પણ કારનો ડ્રાઈવર વિદ્યાર્થીને ખેંચી રહ્યો છે. આ દરમિયાન બજારમાં હાજર લોકો કારને રોકવા પાછળ દોડતા જોવા મળે છે.