કપરાડા વિધાનસભાની પેટા ચૂંટણી માટે ચુસ્ત પોલીસ બંદોબસ્ત સાથે મતદાન શરૂ

વલસાડ જિલ્લાના કપરાડા વિધાનસભાની ખાલી પડેલી બેઠકની પેટા ચૂંટણી યોજાઈ રહી છે. જેમાં અપક્ષના બે સહિત કુલ ચાર ઉમેદવારો મેદાનમાં છે. જોકે, ભાજપ અને કોંગ્રેસ વચ્ચે સીધો મુકાબલો છે. આ ચૂંટણી માટે કુલ 2,46,743 મતદારો તેમના મતાધિકારનો ઉપયોગ કરશે.

• કપરાડા વિધાનસભા બેઠકની પેટા ચૂંટણી
• ભાજપ અને કોંગ્રેસ વચ્ચે સીધો મુકાબલો
• મતદારો સોશિયલ ડિસ્ટન્સ જાળવી કરી રહ્યાં છે મતદાન

વલસાડ: વલસાડ જિલ્લાના કપરાડા વિધાનસભાની ખાલી પડેલી બેઠકની પેટા ચૂંટણી યોજાઈ રહી છે. જેમાં અપક્ષના બે સહિત કુલ ચાર ઉમેદવારો મેદાનમાં છે. જોકે, ભાજપ અને કોંગ્રેસ વચ્ચે સીધો મુકાબલો છે. આ ચૂંટણી માટે કુલ 2,46,743 મતદારો તેમના મતાધિકારનો ઉપયોગ કરશે.

મતદાન મથકો પર વહેલી સવારથી જ મતદારોની કતારકપરાડા પેટા ચૂંટણીને લઈને વહેલી સવારથી જ મતદાન મથકો પર મતદારોની કતાર જોવા મળી હતી. આ પેટાચૂંટણી માટે જિલ્લા ચૂંટણી તંત્ર અને પોલીસ વિભાગ દ્વારા જડબેસલાક તૈયારી કરવી છે. કુલ 374 મતદાન મથકો પર ચુસ્ત પોલીસ બંદોબસ્ત ગોઠવવામાં આવ્યો છે. કપરાડા વિધાનસભાની પેટા ચૂંટણીની ચૂંટણી પંચની જાહેરાત બાદ જ રાજકારણમાં ગરમાવો આવ્યો હતો. આ ચૂંટણીમાં ભાજપના ઉમેદવાર જીતુભાઈ ચૌધરી, કોંગ્રેસના ઉમેદવાર બાબુભાઈ વરઠા, અપક્ષ ઉમેદવાર પ્રકાશ પટેલ અને ભારતીય ટ્રાઈબલ પાર્ટીના જ્યેન્દ્ર ગાંવિત મેદાનમાં છે. જેમાં સીધી ટક્કર ભાજપ અને કોંગ્રેસ વચ્ચે થઈ રહી છે.

કાયદો-વ્યવસ્થાના ચુસ્ત અમલ વચ્ચે શાંતિપૂર્ણ રીતે મતદાન

હાલ તમામ સ્ટાફ ચૂંટણીની પ્રક્રિયામાં કાર્યરત છે. કાયદો-વ્યવસ્થાના ચુસ્ત અમલ વચ્ચે શાંતિપૂર્ણ રીતે મતદાન પ્રક્રિયા કરવામાં આવી રહી છે. આ પેટા ચૂંટણીમાં કપરાડા તાલુકાના 128 ગામોના 263 ચૂંટણી મથકો, પારડી તાલુકાના 21 ગામના 69 મતદાન મથક અને વાપી તાલુકાના 13 ગામના 42 મતદાન મથકો પર સાંજના 6 વાગ્યા સુધીમાં 2,45,743 મતદારો પોતાના મતાધિકારનો ઉપયોગ કરશે.

સોશિયલ ડિસ્ટન્સ જાળવી કરવામાં આવી રહ્યું છે મતદાન

ઉલ્લેખનીય છે કે, કપરાડા તાલુકાના કાકડકોપર સહિતના ગામના ચૂંટણી મથકો પર કોરોના મહામારીને ધ્યાને રાખી ખાસ તકેદારીના ભાગરૂપે હેન્ડ સેનિટાઈઝર, હેન્ડ ગ્લોવ્ઝ, માસ્ક સહિતની સુવિધા ઉભી કરવામાં આવી છે. તમામ મતદારો પણ સોશિયલ ડિસ્ટન્સ જાળવી પોતાનો મત આપી રહ્યાં છે.