બે દિવસ અગાઉ વ્યારાથી સાગી લાકડા ભરેલો ટેમ્પો બારડોલીથી પસાર થઈ રહ્યો હતો તે દરમિયાન નેશનલ હાઇવે નંબર 53 પર અગાસી માતાના મંદિર નજીક એક નંબર પ્લેટ વગરની સ્કોર્પિયો જેમાં ચાર જેટલા ઈસમોએ આવી ટેમ્પોને અટકાવ્યો હતો અને લાકડા બે નંબરના હોવાનું જણાવી 8 લાખની ખંડણી માંગી હતી. જે મામલે ટેમ્પોમાં લાકડા ભરાવનાર ઉમંગલાલ ગુર્જરે બારડોલી પોલીસ મથકમાં પોતાની ફરિયાદ લઈને આવ્યા હતા ત્યારે ચોંકાવનારી હકીકત સામે આવી હતી. સ્કોર્પિયોમાં આવેલા ચાર ઈસમો પૈકી એક ઇસમે પોલીસની વર્દી પહેરી હતી તેમજ પોતે LCBમાં ફરજ બજાવતા હોવાનું જણાવ્યું હતું. જે મામલે બારડોલી પોલીસ મથકે અજાણ્યા ઈસમો વિરુદ્ધ ગુનો દાખલ કરવામાં આવ્યો હતો.
હાલ તો પોલીસે LCBના જે પોલીસ કર્મીનું નામ લઈ ખંડણી માંગવામાં આવી હતી તેની ફરિયાદ લઈ સમગ્ર ઘટનાના CCTV ફૂટેજ મેળવી આ ચાર ઈસમ કોણ છે તેને પકડી પાડવા તરફ ચક્રો ગતિમાન કર્યા છે.
