હૈદરાબાદઃ શેરબજારમાં રોકાણ કરનારાઓ માટે એક મહત્વના સમાચાર છે. 2025નું બીજું સપ્તાહ IPOના સંદર્ભમાં વ્યસ્ત રહેવાનું છે. આ સમયગાળા દરમિયાન, મુખ્ય બોર્ડ અને SMEના 7 જાહેર IPO બજારમાં ખુલશે, જ્યારે 6 કંપનીઓનું લિસ્ટિંગ પણ થશે. તો ચાલો જાણીએ કે કઈ કંપનીઓ આ અઠવાડિયે ધમાકેદાર થવા જઈ રહી છે.
સ્ટાન્ડર્ડ ગ્લાસ લાઇનિંગ ટેક્નોલોજી: આ કંપનીનો IPO 6 જાન્યુઆરીથી 8 જાન્યુઆરી સુધી ખુલ્લો રહેશે. રૂ. 410.05 કરોડના આ IPOની પ્રાઇસ રેન્જ રૂ. 133 થી રૂ. 140 વચ્ચે નક્કી કરવામાં આવી છે. ફાર્માસ્યુટિકલ અને કેમિકલ સેક્ટર માટે ઇક્વિપમેન્ટ બનાવતી આ કંપની એન્કર બુક દ્વારા 123.02 કરોડ રૂપિયા એકત્ર કરી ચૂકી છે. તેનું સંભવિત લિસ્ટિંગ 13 જાન્યુઆરીએ થશે.
ક્વાડ્રેન્ટ ફ્યુચર ટેક: આ કંપની 7 થી 9 જાન્યુઆરી સુધી સામાન્ય રોકાણકારો માટે રૂ. 290 કરોડના IPO સાથે ખુલશે. તેની કિંમત 275 રૂપિયાથી 290 રૂપિયાની વચ્ચે છે. ભારતીય રેલવે માટે કવચ પ્રોજેક્ટ હેઠળ ટ્રેન કંટ્રોલ અને સિગ્નલિંગ સિસ્ટમ બનાવતી આ કંપનીનું લિસ્ટિંગ 14 જાન્યુઆરીએ થઈ શકે છે.
કેપિટલ ઇન્ફ્રાટ્રસ્ટ ઇનવિટ: રૂ. 1,578 કરોડની સાઈઝવાળા આ IPO માટે 7 જાન્યુઆરીથી 9 જાન્યુઆરી સુધી રોકાણ કરી શકાય છે. તેની પ્રાઈસ રેન્જ રૂ. 99 થી રૂ. 100 છે. તેનું લિસ્ટિંગ 14 જાન્યુઆરીએ થશે.
SME IPO: આ સિવાય 4 SME IPO પણ ખુલવા જઈ રહ્યા છે. 6 જાન્યુઆરીથી, રોકાણકારો બીઆર ગોયલ ઈન્ફ્રાસ્ટ્રક્ચર (રૂ. 85.21 કરોડ), ડેલ્ટા ઓટોકોર્પ (રૂ. 54.60 કરોડ), ઇન્ડોબેલ ઇન્સ્યુલેશન (રૂ. 10.14 કરોડ) અને એવેક્સ એપેરલ્સ એન્ડ ઓર્નામેન્ટ્સ (રૂ. 1.92 કરોડ)ના IPOમાં રોકાણ કરી શકશે.
લિસ્ટિંગમાં તેજી: IPOના ધસારાની સાથે 6 કંપનીઓ પણ શેરબજારમાં લિસ્ટ થવા જઈ રહી છેઃ
ઇન્ડો ફાર્મ ઇક્વિપમેન્ટ: મુખ્ય બોર્ડ સેગમેન્ટમાં 7 જાન્યુઆરીએ લિસ્ટ થનારી આ એકમાત્ર કંપની છે. 260 કરોડનો આ IPO 229.68 વખત સબસ્ક્રાઇબ થયો હતો.
SME લિસ્ટિંગ: ટેકનિકેમ ઓર્ગેનિક્સ લિમિટેડ, લિઓ ડ્રાય ફ્રૂટ્સ એન્ડ સ્પાસેઝ ટ્રેડિંગ લિમિટેડ, ડેવિન સન્સ રિટેલ લિમિટેડ, પરમેશ્વર મેટલ લિમિટેડ અને ફેબટેક ટેકનોલોજીસ ક્લિનરૂમ્સ લિમિટેડના SME IPO પણ આ અઠવાડિયે લિસ્ટ થશે.
આ પણ વાંચો:
