ભગવામ શ્રી કૃષ્ણ જન્મને લઈ દર વર્ષની જેમ ચાલુ વર્ષે પણ શહેરના વિવિધ મંદિરોમાં તડામાર તૈયારીઓ કરવામાં આવી રહી છે.જ્યાં આ તૈયારીઓને હવે આખરી ઓપ આપવામાં આવી રહ્યો છે.શહેરના જહાંગીરપુરા ખાતે આવેલા ઇસ્કોન મંદિરમાં આ વખતે કૃષ્ણ જન્મોત્સવ નિમિતે ભગવાન શ્રી કૃષ્ણના વૃંદાવનથી ખાસ વાઘા મંગાવવામાં આવ્યા છે.જે વસ્ત્રોની કિંમત આશરે 2.50 થી 3 લાખ જેટલી છે.આ વસ્ત્રો ખાસ હિન્દુ મુસ્લિમ કારીગરો દ્વારા ચાલીસ દિવસની મહામહેનત બાદ બનાવવામાં આવ્યા છે.
જેમાં ચાંદીના તારથી ખાસ પ્રકારનું એમ્બ્રોડરી વર્ક કરવામાં આવ્યું છે.તદઉપરાંત બાળ ગોપાલનો જન્મોત્સવ છે ત્યારે મંદિરમાં તમામ તૈયારીઓને આખરી ઓપ આપી દેવાયો છે.જો કે મંદિરમાં હમણાથી જ ભક્તોની મોટી અવરજવર પણ શરૂ થઈ ચૂકી છે.ભક્તોમાં ભગવામ કૃષ્ણના જન્મોત્સવને લઈ અનેરો ઉત્સાહ અને ઉમંગ પણ જોવા મળી રહ્યો છે.આ સાથે ભક્તો માટે ખાસ પ્રસાદીની વ્યવસ્થા પણ કરવામાં આવી છે.મંદિરમાં અઢી લાખથી વધુ ભક્તોની ભીડ ઉમટે તેવી શકયતા છે.જ્યારે આવતીકાલે સવારના 4: 30 વાગ્યે મંગળા આરતી,બપોરના 12 : 30 વાગ્યે ભોગ આરતી કરવામાં આવશે.તો સાથે જ સાંજના 4 : 00 વાગ્યે ઉત્થાન આરતી અને સાંજના 6 : 30 વાગ્યે સંધ્યા આરતી પણ થશે.ઉપરાંત રાત્રીના 11: 30 વાગ્યે ભગવાનનો અભિષેક થશે.રાત્રીના 12:00 ના ટકોરે એટલે કે કૃષ્ણના જન્મ દરમિયાન શયન આરતી થશે, જેનો લાભ બે લાખથી વધુ ભક્તો લેવાના છે.
