ધોરાજીમાં રાજ્ય સરકાર દ્વારા ટેકાનાં ભાવે મગફળી ખરીદી કરવા માટે ખેડૂતોને મેસેજ દ્વારા જાણકારી આપવામાં આવી હતી. જેને લઇને ખેડૂતો માર્કેટીંગ યાર્ડમાં વહેલી સવારથી પહોંચ્યાં હતાં, ત્યારે હાલ રાજયનાં હવામાન વિભાગ દ્વારા બે દિવસ કમોસમી વરસાદની આગાહી કરવામાં આવેલી છે, તેમછતા ધોરાજી પૂરવઠા દ્વારા ખેડૂતોને મેસેજ દ્વારા જાણકારી આપીને બોલાવવામાં આવ્યા છે. જેથી ખેડૂતો પોતાની મગફળીઓ લઈને માર્કેટીંગ યાર્ડમાં વહેલી સવારથી પહોંચી ગયાં હતાં.
ટેકાના ભાવે મગફળીની ખરીદીની કામગીરી હવામાન વિભાગ દ્વારા વરસાદની આગાહી હોવા છતા પણ ચાલુ રખાઇ
ધોરાજી તાલુકાનાં ખેડૂતોની મગફળી ખુલામાં પડી છે. જો કમોસમી વરસાદ પડે તો આ મગફળી પલળી જાય કે ખરાબ થઈ જાય તો તેમાં જવાબદારી કોની રહેશે તેવા અનેક સવાલ ખેડૂતોએ કર્યા હતાં.
