- જિલ્લા પ્રભારી ગજેન્દ્રસિંહ રહેવાર અધ્યક્ષસ્થાને યોજાઇ બેઠા
- કોરોના મહામારીમાં મૃત્યુ પામેલા લોકો માટે મૌન પાળી શ્રદ્ધાંજલિ અર્પણ કરી
- કારોબારી સમિતિની બેઠકમાં સામાજિક અંતર ન જળવાયું
પાટણ : જિલ્લા કોંગ્રેસ સમિતિની વિસ્તૃત કારોબારી બેઠક જિલ્લા પ્રભારી ગજેન્દ્રસિંહ રહેવરના અધ્યક્ષસ્થાને મળી હતી જેમાં કોંગ્રેસ પક્ષના સંગઠનને વધુ મજબુત બનાવવા પર ભાર મુકી વિધાનસભા 2022ની ચૂંટણી (Assembly 2022 elections) માટેની રણનીતિ ઘડવામાં આવી હતી અને વિવિધ મુદ્દાઓની ચર્ચા કરવામાં આવી હતી.
કોરોનાથી મૃત્યું પામેલા માટે મૌન
કારોબારીના પ્રારંભે દેશ તથા ગુજરાતમાં કોરોના મહામારીમાં અવસાન પામેલા કોંગ્રેસ પક્ષના આગેવાનો, કાર્યકરો તેમજ દેશવાસીઓની આત્માની શાંતિ માટે બે મિનિટનું મૌન પાળી શ્રધ્ધાંજલી અર્પણ કરી હતી. ત્યારબાદ તાલુકા અને શહેરમાં જે પ્રમુખનો ત્રણ વર્ષનો કાર્યકાળનો સમય પૂર્ણ થઈ રહ્યો હોવાથી તેમના સ્થાને નવા પ્રમુખની નિમણુંકણી કરવા અંગે ચર્ચા કરવામાં આવી હતી.
આ પણ વાંચો : પાટણ જિલ્લા પંચાયતની પ્રથમ સામાન્ય સભામાં કોંગ્રેસનો વોકઆઉટ
કોરોના ગાઈડલાઈન ન જળવાઈ
ગ્રામ્ય અને શહેરી વિસ્તારોમાં કોરોનાના અસરગ્રસ્ત બનેલા પરીવારોનોના સર્વે કરી લોક સંપર્ક કરવા ચર્ચા કરાઇ હતી.આ ઉપરાંત આગામી 2022માં યોજાનાર વિધાનસભાની ચૂંટણીઓને ધ્યાનમાં રાખી સંગઠન માળખાને મજબુત બનાવી કોંગ્રેસની સરકાર બને તેવી તૈયારીઓ કરવા માર્ગદર્શન આપવામાં આવ્યું હતું. પાટણ ખાતે યોજાયેલી જિલ્લા કોંગ્રેસ કારોબારી સમિતિની બેઠકમાં સરકારની કોવિડ ગાઈડલાઈનનો ભંગ થયેલો જોવા મળ્યો હતો. કોંગ્રેસ આગેવાનો અને કાર્યકરો મોટી સંખ્યામાં એકત્ર થતા સામાજિક અંતર જળવાયું ન હતુ.
આ પણ વાંચો : પેટ્રોલ-ડીઝલના ભાવવધારા સામે પાટણમાં કોંગ્રેસના ધરણા
