ગોધરા ખાતે શ્રી ગોવિંદ ગુરુ યુનિવર્સિટીના દ્વિતીય યુવક મહોત્સવનો શનિવારથી રંગારંગ પ્રારંભ થયો હતો. ગદૂકપુર પોલિટેકનિક કોલેજના કેમ્પસમાં આયોજન થયુ હતું આ કાર્યક્રમમાં શિક્ષણ પ્રધાન ભુપેન્દ્રસિંહ ચુડાસમાએ યુવક મહોત્સવના કાર્યક્રમને દીપ પ્રાગટ્યથી શરુઆત કરી હતી.
ઉપસ્થિત અન્ય મહાનુભવોનું સુતરની આંટી, રૂમાલ અને પુસ્તક આપીને સ્વાગત કરવામાં આવ્યું હતું. આ પ્રસંગે યુનિવર્સિટીના મુખપત્ર "ઉપક્રમ"નું વિમોચન કરવામાં આવ્યું હતું. બે દિવસ ચાલનારા યુવક મહોત્સવમાં વિવિધ સ્પર્ધાઓનું આયોજન કરવામાં આવ્યું હતું. આ પ્રસંગે વાઇસ ચાન્સેલર પ્રતાપસિંહ ચૌહાણ, ભૂતપૂર્વ વાઇસ ચાન્સેલર મહેન્દ્રભાઈ પાડલિયા, સાંસદ રતનસિંહ રાઠોડ, માજી સાંસદ પ્રભાતસિંહ ચૌહાણ, જિલ્લા કલેકટર અમિત અરોરા, ડીડીઓ એ.જે શાહ, દાહોદના સાંસદ જશવંતસિંહ ભાભોર, યુનિવર્સિટી તથા સલગ્ન કોલેજોમાંથી આવેલા સ્પર્ધકો તેમજ અધ્યાપકો, વિદ્યાર્થીઓ હાજર રહ્યા હતા.
.
