વિરાટ મહિલા સંમેલનમાં ડોકટરો, શિક્ષિકાઓ, પ્રિન્સીપાલો, સામાજિક સંસ્થાના અગ્રણીઓ તેમજ વિવિધ ક્ષેત્રોના અગ્રણીઓ ઉપસ્થિત રહ્યા હતા. મુખ્ય મહેમાન તરીકે અમૃતાબેન કુંડારીયા, કાંતાબેન વરમોરા, ભાવનાબેન વરમોરા તથા મહિલા સત્સંગ મંડળ રાજકોટથી ક્રિષ્નાબેન રામોલીયા, ગોંડલથી રમાબેન માથુકીયા તેમજ ભાવનાબેન મીરાણી, ધર્મિષ્ઠાબેન કડીવાર ઉપસ્થિત રહ્યા હતા.
કાર્યક્રમમાં મોરબી ક્ષેત્રના છેલ્લા 30 વર્ષથી સેવારત સંયોજક ઉર્મિલાબેન બહેનોને BAPS સંસ્થાની પ્રવૃત્તિ દ્વારા સામાજીક ચેતના કઈ રીતે પ્રગટાવવામાં આવે છે તેની પ્રેરક વાત કરી હતી. સંસ્કાર અને સંપનું મહત્વ વર્ણવી તેમણે બહેનોને કૌટુંબિક જીવનમાં સંવાદિતા જાળવવા પર ખાસ ભાર મૂકી જણાવ્યું હતું કે, બાળકોને બાલ્યાવસ્થાથી જ સંસ્કાર પર ભાર મુકવો.
કાર્યક્રમના અંતે પરમ પૂજ્ય મહંતસ્વામી મહારાજના હરિકૃષ્ણ મહારાજની રજતતુલા સંપન્ન થઇ હતી. જેમાં બહેનોનો ભારે ઉત્સાહ નજરે પડતો હતો. આ પ્રસંગે તાજેતરમાં સારંગપુર ખાતે યોજાયેલ અખિલ ભારતીય અધિવેશનમાં વિજેતા થયેલ મોરબીની ત્રણેય યુવતીઓનું સન્માન કરવામાં આવેલ તથા મોરબીમાંથી સંત દીક્ષા પ્રાપ્ત કરેલ ત્રણ સંતોના માતુ રેવાબેન પટેલ, રમાબેન અઘારા અને મધુબેન ભીમાણીનું સન્માન કરાયું હતું. આમ સમગ્ર કાર્યક્રમ મહિલા અગ્રેસરો અને કાર્યકરોની જહેમતથી ખૂબ ધામધૂમ પૂર્વક ઉજવાઈ ગયો.
દરરોજ યોજાતી સાયં સભામાં સદગુરુવર્ય પૂજ્ય વિવેકસાગર સ્વામીએ પારાયણ કથાવાર્તાનો લાભ આપેલો જયારે હાસ્ય સંગત કાર્યક્રમમાં વિખ્યાત લોકપ્રિય હાસ્યકલાકાર ભાગ્યેશભાઈ વારાએ ઉપસ્થિત સહુ ભક્તોને હાસ્યમાં તરબોળ કર્યા હતા.
