નગરપાલિકાના કંપાઉન્ડમાં ફાયરના વાહનોને બદલે અન્ય લારી, ગલ્લાઓ અને નાસ્તાની લારીઓ ઉભેલી જોવા મળી રહી છે. જેથી આગામા સમયે આ જ દબાણો નગરપાલિકાને અડચણ રૂપ બની શકે તેમ છે. આ જગ્યાએ નગર પાલિકાના ફાયરના વાહનોને મુકવામાં આવતા હોય છે. પરંતુ પાલિકાની રહેમ નજર હેઠળ પાલિકા કચેરી વિસ્તારમાં આવેલા ફૂટપાથ પર ફ્રુટ, પાણીપુરી, બરફની લારીઓના કારણે રાત દિવસ લોકોની ભીડ બનેલી રહે છે. અગત્યનું એ છે કે ગત સમયમાં બાલાસિનોરની મામલતદાર કચેરીમાં આગની ઘટના બની હતી. જેમાં કેટલુંક નુકશાન થવા પામ્યું હતું. ત્યારે બાલાસિનોર નગર સેવા સદનમાં તેવી ઘટના દોહરાય તેવી રાહ તંત્ર જોતું હોય તેમ લાગી રહ્યું છે.
બાલાસિનોરમાં આગ લાગે ત્યારે કૂવો ખોદવા જેવી પરિસ્થિતિ બની છે. આગ લાગતા ઓફિસના અગત્યના રેકર્ડ અને દસ્તાવેજો તેમજ જરૂરી કાગળો નષ્ટ થઈ શકે છે જેથી તેની સંભાળ રાખવી જરૂરી બની જાય છે. ત્યારે કંઈ ઘટના બને તે પહેલા ફાયરસેફ્ટીની સુવિધા અત્યંત જરૂરૂ બની જાય છે.
