આ પ્રસંગે આરોગ્ય તપાસણી કેમ્પ પણ યોજાયો હતો. જેમાં સીમા સુરક્ષા દળના મુખ્ય આરોગ્ય અધિકારી ડો. કે.એન. કુમાર તથા ડો. મીનાબેને અંદાજે 325 દર્દીને તપાસી દવા આપી હતી. આ અવસરે સીમા સુરક્ષા દળના વિવિધ હથિયારોનું પ્રદર્શન પણ યોજાયું હતું જેમાં બાળકોએ પોતાની રુચિ દેખાડી હતી. બાળકોએ વિવિધ સાંસ્કૃતિક કાર્યક્રમો રજૂ કર્યા હતાં.
આરોગ્ય તપાસણી કેમ્પ
આરોગ્ય તપાસણી કેમ્પ
સીમા સુરક્ષા દળ ભુજ ક્ષેત્રના ઉપમહાનિરીક્ષક સમન્દ્રસિંહ ડબાસે નારાયણ સરોવર BSF એફના સીવીક એકશન કાર્યક્રમમાં ઉપસ્થિત રહ્યા હતા. ઉપરાંત આશુતોષકુમાર સિંહ તથા અધિકારીઓ અને જવાનોની સાથોસાથ સીમા ક્ષેત્રના સન્માનિત વ્યક્તિઓ, સરહદી ક્ષેત્રની 18 પ્રાથમિક શાળાના છાત્રો અને અંદાજે 600 જેટલા ગ્રામજનો જોડાયા હતા.
