કચ્છમાં સરેરાશ 58% મતદાન

કચ્છઃ જિલ્લામાં યોજાયેલા મતદાનમાં સાંજે 6 વાગ્યા સુધી સરેરાશ 58 % મતદાન થયાનું અનુમાન લગાવાઈ રહ્યું છે. કચ્છ કુલ 7 વિધાનસભા વિસ્તારના 17.30 લાખ મતદાર ધરાવતી લોકસભા બેઠક માંથી અંદાજિત 58 ટકા મતદારોએ પોતાના મતાધિકારનો ઉપયોગ કર્યો હતો.

સાંજે 6ના ટકોરે EVM સીલ કરાયા બાદ ભુજની એન્જીનીયરીંગ કોલેજ ખાતે રાખવામાં આવ્યા હતા. જ્યાં આગામી 23મી મેંના દિવસે મતગણના હાથ ધરાશે. કચ્છમાં ગરમીનો પણ પ્રકોપ જોવા મળ્યો હતો. જેને પગલે બપોરે એક વાગ્યાથી સાંજે 4 સુધીમાં મતદાન મથકો પર નિરશતા જોવા મળી હતી. જો કે સાંજે 4 વાગ્યા બાદ અનેક જગ્યાએ લાઈનો લાગી હતી. સાંજે 5 વાગ્યા સુધી સત્તાવાર 51.80 % મતદાન નોંધાયું હતું. જે એક કલાક બાદ અંદાજિત સરેરાશ 58% મતદાનનું અનુમાન રખાઈ રહયું છે.