ખેડા: મહુધાના સાસ્તાપુરમાં નિલગાયના શિકાર કરવાના મામલામાં મહુધા પોલીસ દ્વારા અજાણ્યા ઈસમો વિરુદ્ધ ગુનો નોંધી તપાસ હાથ ધરાઈ હતી. જે દરમિયાન મહેસાણાના કડી તાલુકાના રાજપુરા ગામના ફીરોજ હબીબભાઈ સિંધી અને ટોળીયા કાસમ સિંધીની ધરપકડ કરવામાં આવી હતી. આ બન્નેને મહુધા કોર્ટમાં રજૂ કરવામાં આવ્યા હતા અને પોલિસ દ્વારા બે દિવસના રિમાન્ડ મેળવી વધુ તપાસ હાથ ધરવામાં આવી છે.
મહત્વનું છે કે, જિલ્લાના વિવિધ વિસ્તારોમાં બેરોકટોક નિલગાયનો શિકાર થઈ રહ્યો હોવાના કિસ્સાઓ સામે આવી રહ્યા છે. ત્યારે નિલગાયના શિકાર માટે ગેરકાયદેસર રીતે હથિયારો સાથે ફરતી શિકારી ટોળીઓ લૂંટ,ચોરી, હત્યા જેવા ગુન્હાહિત કૃત્યો પણ આચરી શકે છે. જેને લઈ પોલિસ દ્વારા સતર્કતા વધારવામાં આવે તે ઈચ્છનીય છે.
