ગાંધીનગર જિલ્લામાં આવેલા પોલીસ સ્ટેશનમાં સેક્ટર 21, સેક્ટર 7, ઇન્ફોસિટી, પેથાપુર, અડાલજ, દહેગામ, ચિલોડા, ડભોડા, રખિયાલ અને ટ્રાફિક પોલીસ સ્ટેશનમાં ફરજ બજાવતા 97 પોલીસ કર્મચારીઓની બદલી કરવામાં આવી છે.
થોડા સમય પહેલા પણ 100 જેટલા પોલીસ કર્મચારીઓને બદલી કરવામાં આવી હતી. વર્ષોથી એક જ પોલીસ સ્ટેશનમાં ફરજ બજાવતા પોલીસ કર્મચારીઓની બદલી કરવામાં આવી છે. જ્યારે મહત્વની ગણાતી રાજ્યસભાની ચૂંટણી અને જિલ્લામાં અલગ-અલગ જગ્યાએથી નીકળતી રથયાત્રા નિર્વિઘ્ને પૂર્ણ થયા બાદ બદલી કરવામાં આવી છે. શનિવારે તમામ પોલીસ કર્મચારીઓને તાત્કાલિક બદલીના સ્થળે હાજર થવા જિલ્લા પોલીસ વડા મયુર ચાવડા દ્વારા આદેશ કરાયો છે.
