ગાંધીનગર શહેરમાં રહેતા અને ગાયક કલાકાર કારકિર્દી શરુ કરનારા વિક્રમ ઠાકોર ગુજરાત ફિલ્મ સ્ટાર છે. ગુજરાત રાજ્યમાં સફળ સ્ટાર તરીકે તેમની ગણના કરવામાં આવે છે, ત્યારે વિક્રમ ઠાકોરનું Official Facebook Page હેકર દ્વારા હેક કરવામાં આવ્યું છે અને તેના પર બ્લુ ફિલ્મ અપલોડ કરવામાં આવી છે. જેને લઇને વિક્રમ ઠાકોર ફેસબુકના મિત્રોની માફી માગી છે અને તેમણે એક વીડિયો દ્વારા જણાવ્યું છે કે, આ પ્રકારનું ખરાબ કૃત્ય કરનારા લોકોને છોડશે નહીં. હું મારા શુભચિંતક મિત્રોની માફી માગુ છું.
આ ઉપરાંત વિક્રમ ઠાકોરે ફેસબુક પેજ હેક થતાં પેજ તેમના દ્વારા પોલીસમાં અરજી પણ કરવામાં આવી છે. આ બાબતે પોલીસ ગંભીરતા બતાવતા સોમવારે સાંજે 9 કલાકે તેમનો જવાબ લેવા માટે પહોંચી હતી. સૂત્રો પાસેથી મળતી માહિતી મુજબ સાયબર સેલમાં આ બાબતની અરજી આપવામાં આવી છે. જેને લઇને પોલીસે તપાસ આરંભી છે. બીજી તરફ ગાંધીનગરની સાયબર સેલની ટીમ આ બાબતે વામણી પૂરવાર થઇ રહી છે. સાયબર સેલના ગુનામાં દિવસેને દિવસે વધારો થઇ રહ્યો છે. તેવા સમયે ગુજરાતી ફિલ્મ સ્ટારને બદનામ કરનારા અસામાજિક તત્વોને પોલીસ કઇ રીતે અને કેટલા સમયમાં પકડે તે જોવાનું રહ્યું...
ગાંધીનગરથી દિલિપ પ્રજાપતિનો અહેવાલ, ઇટીવી ભારતે
