દીવ: લોકડાઉનને કારણે 60 દિવસ સુધી બંધ રાખવામાં આવેલી વિમાન સેવા સોમવારથી ફરી શરૂ થવાની હતી. મુંબઈથી સંઘ પ્રદેશ દીવને સાંકળતી એક ફ્લાઈટ મુંબઈથી દીવ તરફ રવાના થવાની હતી. જો કે, અનિવાર્ય સંજોગોને કારણે પ્રથમ ફ્લાઈટ રદ કરવામાં આવી છે, ત્યારે હવે આ ફ્લાઈટ મંગળવારે સંઘ પ્રદેશ દીવ આવશે કે નહીં તે અંગે પણ સવાલો ઉભા થયા છે.
સોમવારે મુંબઈથી ફ્લાઈટ દીવ જવાની હતી. એર ઈન્ડિયાની ફ્લાઈટમાં મુંબઈથી દીવ જવા માટે 10 પ્રવાસીઓએ તેમની ટિકિટ બુક કરાવી હતી. સામે પક્ષે દીવથી મુંબઈ જવા માટે માત્ર એક જ પ્રવાસીએ ટિકિટ બુક કરાવી હતી.
મુંબઈથી દિવ અને દીવથી મુંબઈ તરફ જવા માટે 11 પ્રવાસીઓએ તેમની ટિકિટ બુક કરાવી હતી, પરંતુ ફ્લાઈટ રદ થતા તમામ પ્રવાસીઓની ટિકિટ કેન્સલ થઈ છે. આ પ્રવાસીઓ હવે ફરી દીવ-મુંબઈ વચ્ચે વિમાન સેવા શરૂ થાય તેની રાહ જોઈ રહ્યા છે.
