વર્તમાન ધારાસભ્યોએ રાજીનામું આપી ભાજપમાં જોડાવાને કારણે આ બેઠકો પર ખાલી પડી હતી. જેથી રાજ્યમાં લોકસભાની 26 બેઠકોની સાથે સાથે 4 વિધાનસભા બેઠકો માટે પેટાચૂંટણી યોજાઈ હતી. આ ચાર બેઠકોની વાત કરીએ તો સુરેન્દ્રનગરની ધ્રાંગધ્રા બેઠક પર 60.86 %, મહેસાણાની ઊંઝા બેઠક પર 65 %, જૂનાગઢની માણાવદર બેઠક પર 62.87 % અને જામનગર ગ્રામ્ય બેઠક પર 62.37 % મતદાન નોંધાયું હતું.
ચાર વિધાનસભાની પેટા ચૂંટણીમાં કુલ 62.77 % મતદાન થયું છે. જેમાં સૌથી વધુ 65 ટકા ઊંઝામાં અને સૌથી ઓછું ધ્રાંગધ્રામાં 60.86 ટકા મતદાન નોંધાયું છે. આ સાથે જ ભાજપ-કોંગ્રેસના ઉમેદવારોના ભાવી EVMમાં કેદ થઈ ગયા છે. હવે આ ચાર વિધાનસભા બેઠકનું ચૂંટણી પરિણામ લોકસભાની સાથે 23મી મેના રોજ જાહેર થશે.
