બોટાદ જિલ્લાના લાઠીદળ ગામે ગ્રામ પંચાયતના સરપંચ માટેની ચૂંટણીનું આયોજન કરવામાં આવ્યું હતું. જેને લઇને રવિવારની સવારથી જ લોકો મતદાન માટે ઉમટી પડ્યા હતા. આ લાઠીદડ ગામ બોટાદ જિલ્લાનું એક સંવેદનશીલ ગામ ગણાય છે. જેને પગલે અહિંયા સરપંચની ચૂંટણી ચુસ્ત પોલીસ બંદોબસ્ત વચ્ચે આયોજન કરવામાં આવ્યું હતું.
લાઠીદડ ગામમાં કુલ 16 વોર્ડ છે. તો હાલની ચૂંટણીમાં કુલ 5 ઉમેદવારો વચ્ચે સરપંચના પદ માટેનો ચૂંટણી જંગ જામ્યો છે. આ સરપંચની ચૂંટણીમાં લાઠીદડ ગામમાં કુલ 9600 મતદારો આવેલ છે. જેને યોગ્ય રીતે મતદાન થાય તે માટે સારી વ્યવસ્થા કરવા માટે 8 મતદાન મથકોનું વ્યવસ્થા કરવામાં આવી છે.
હાલમાં આ લાઠીદડ ગામે અગાઉના સરપંચે રાજીનામું આપતા આ પેટાચૂંટણીનું આયોજન કરવામાં આવી છે. આ ચૂંટણીની મતગણતરી તારીખ 18 જૂનના રોજ બોટાદ ખાતે જ યોજવામાં આવશે.
