અંકલેશ્વરમાં શોપિંગ કોમ્પ્લેક્ષની છત ધરાશાયી થતા દોડધામ

ભરૂચઃ અંકલેશ્વર રાજપીપળા ચોકડી નજીક આવેલ ઇન્ડિયા ટ્રેડ સેન્ટર કોમ્પલેક્ષના ગ્રાઉંન્ડ ફ્લોરની છત ધરાશાયી થતા દોડધામ મચી ગઇ હતી.

અંકલેશ્વર રાજપીપળા ચોકડી સ્થીત ઇન્ડિયા ટ્રેડ સેન્ટર કોમ્પલેક્ષ સન 2000ની સાલમાં બિલ્ડર કિશોર પરમાર દ્વારા બનવાયું હતું. જે બાદ આ કોમ્પ્લેક્ષમાં કોઇ પણ પ્રકારનું મેઇન્ટેનંન્સના કરાતા સમારકામના અભાવે આ કોમ્પ્લેક્ષ જર્જરીત બન્યું હતું. જેમાં વહેલી સવારે તેના ગ્રાઉન્ડ ફ્લોરની છત અચાનક જ ધરાશાયી થતા એક સમયે ત્યાં દોડધામ મચી જવાપામી હતી.

જો કે, આ ઘટના વહેલી સવારે બનતા કોમ્પ્લેક્ષની દુકાનો બંધ હતી કોઇ જાનહાની થઇ ન હતી, પરંતુ એક સાથે ધડાકાભેર આંઠ જેટલી દુકાનોની છત ધરાશાયી થતા દુકાનદારો સહિત ગ્રાહકોમાં પણ ભયનો માહોલ જોવા મળ્યો હતો.