મોડાસાના નવજીવન ચોકમાં પાણીની પાઈપલાઈનમાં ભંગાણ, દુકાનોમાં ઘુસ્યા પાણી

અરવલ્લી: એક બાજુ મોડાસા શહેરમાં નગરપાલિકા તંત્રએ પાણીમાં કાપ મુકી એકાંતરે આપવાનું શરૂ કર્યું છે. ત્યારે નગરપાલિકાની બેદરકારીના પગલે નવજીવન ચોકમાં પાણીની પાઈપલાઈનમાં ભંગાણ સર્જાતા હજારો લીટર પાણીનો વેડફાટ સાથે પાણી નવજીવન ચોકની દુકાનોમાં પણ ઘુસ્યા હતા.

મોડાસાના ભરચક વિસ્તાર નવજીવન ચોકમાં ગુરૂવારે વહેલી પરોઢીયા નગરપાલિકાની પીવાના પાણી ભૂગર્ભ લાઇનમાં ભંગાણ સર્જાતા નવજીવન ચોકમાં પાણી પાણી થયું હતું. વેપારીઓ વહેલી સવારે ઉંઘમાંથી ઉઠી પરિવાર સાથે દોડી આવ્યા હતા. એક ફૂટથી વધારે પાણી ભરાતા ડોલે ડોલે પાણી ઉલેચ્યું હતું. દુકાનોમાં રહેલો માલ સમાન પલળી જતા દુકાનદારોમાં ભારે રોષ પ્રવર્તી રહ્યો હતો.