નવી દિલ્હી : વર્ષોની અટકળો અને અડચણો પછી આખરે ટેસ્લા ભારતના રસ્તાઓ પર દોડવા માટે તૈયાર છે. એલોન મસ્કની આગેવાની હેઠળની અમેરિકન ઇલેક્ટ્રિક વ્હીકલ (EV) જાયન્ટ ટેસ્લા લાંબા સમયથી ભારતીય બજાર પર નજર રાખી રહી છે. પરંતુ તેને નિયમનકારી મુદ્દાઓથી લઈને ઊંચા આયાત કર સુધીના પડકારોનો સામનો કરવો પડ્યો છે.
ભારત આવશે ટેસ્લા ! હાલના અહેવાલ સૂચવે છે કે ટેસ્લા ભારતમાં તેની EV લોન્ચ કરવા માટે તૈયારી કરી રહી છે. ટેસ્લાના આયાતી મોડલની પ્રથમ બેચ એપ્રિલની શરૂઆતમાં આવવાની ધારણા છે. ટેસ્લા તેની જર્મન ફેક્ટરીમાંથી કાર આયાત કરી શકે છે. ભારત સરકાર દ્વારા ઉઠાવવામાં આવેલી ચિંતાઓને ધ્યાનમાં રાખીને ચીનથી કાર મોકલવાનું ટાળશે.
ઉત્પાદન એકમોની સ્થાપના : ટેસ્લા ભારતમાં વેચાણ શરૂ કરવાની તૈયારી કરી રહી છે. તમને જણાવી દઈએ કે ટેસ્લા ઇલેક્ટ્રિક કાર ઉત્પાદકોને હવે ગુજરાત, મહારાષ્ટ્ર, તમિલનાડુ અને તેલંગાણા સાથે તેમના ઉત્પાદન એકમોની સ્થાપના માટે ઘણી રાજ્ય સરકારો દ્વારા સંપર્ક કરવામાં આવી રહ્યો છે.
ક્યાંથી આયાત થશે અને શું કિંમત હશે? ઉદ્યોગના સૂત્રોએ જાહેર કર્યું છે કે, ભારત માટે ટેસ્લાનો પ્રારંભિક કાફલો મુખ્યત્વે ચીનને બદલે બર્લિન ગીગાફેક્ટરીમાંથી આવશે, કારણ કે ભારત સરકાર ચીન વિશે ચિંતિત છે. એવું કહેવાય છે કે EV કંપની દેશમાં તેના પ્રથમ મૉડલ માટે $25,000 (અંદાજે રૂ. 22 લાખ) કરતાં ઓછી કિંમતનો લક્ષ્યાંક ધરાવે છે.
શોરૂમ અને એપોઇન્ટમેન્ટ શરૂ : ટેસ્લા માત્ર કાર વેચવાનું આયોજન નથી કરી રહી, પરંતુ તે ભારતમાં તેની પોતાની દુકાન પણ ખોલી રહી છે. અહેવાલો સૂચવે છે કે કંપનીએ તેના પ્રથમ શોરૂમ માટે શ્રેષ્ઠ સ્થાનો પસંદ કર્યા છે, જેમાંથી એક દિલ્હીના એરોસિટીમાં અને બીજું મુંબઈના બાંદ્રા કુર્લા કોમ્પ્લેક્સમાં (BKC) હોવાની અપેક્ષા છે. આ સ્થાનો તેમની પ્રીમિયમ અપીલ માટે જાણીતા છે, જે તેમને ટેસ્લાની બ્રાન્ડ પોઝિશનિંગ માટે આદર્શ બનાવે છે. ઉપરાંત, ટેસ્લા ભારતમાં વિવિધ ભૂમિકાઓ માટે પહેલેથી જ હાયર કરી રહી છે.
