મોડાસામાં ''નેશનલ ગર્લ ચાઇલ્ડ ડે'' ઉજવણી અંતર્ગત લોક જાગૃતી રેલી યોજાઈ

મોડાસામાં ’નેશનલ ગર્લ ચાઇલ્ડ ડે’ ઉજવણીના ભાગરૂપે આજે મહિલા ઔદ્યોગિક તાલીમ સંસ્થા, મોડાસા ખાતે મહિલા દિવસ અન્વયે ’એડોલેશન્ટ હેલ્થ ડે’ ની ઉજવણી કરવામાં આવી હતી.

અરવલ્લી : જિલ્લાના મોડાસા ગ્રામ વિકાસ એજન્સી, અરવલ્લીના સહયોગ તથા જિલ્લા આરોગ્ય વિભાગ, અરવલ્લીના સંયુકત ઉ૫ક્રમે ‘’નેશનલ ગર્લ ચાઇલ્ડ ડે’’ ઉજવણીના ભાગરૂપ આજે મહિલા ઔદ્યોગિક તાલીમ સંસ્થા, મોડાસા ખાતે મહિલા દિવસ અન્વયે ‘’એડોલેશન્ટ હેલ્થ ડે’’ની ઉજવણી કરવામાં આવી હતી. જેમાં લોકોમાં બાળકીઓના મહત્વ અંગે જાગૃતિ ફેલાવવા માટે રેલી યોજવામાં આવી હતી.

આ કાર્યક્રમ અન્વયે અંદાજીત 280 કિશોરીઓ હાજર રહી હતી, જેઓનું એચ.બી તથા બ્લડ ગૃપ તપાસવામાં આવ્યું હતું. આ પ્રસંગે ડૉ.જીજ્ઞાબેન ડી.જયસ્વાલ, તાલુકા આરોગ્ય અઘિકારી હાજર રહી કિશોરીઓને એડોલેશન્ટ હેલ્થ ડે અંગેની સમજણ પુરી પાડી હતી. મોડાસાના જાણીતા સ્ત્રીરોગ નિષ્ણાંત તબીબ, ડૉ.જલ્પાબેન શાહ દ્વારા કિશોરીઓને રાખવાની થતી જરૂરી સંભાળની માહિતી પુરી પાડવામાં આવી હતી.