અરવલ્લી: જિલ્લાના મોડાસા તાલુકામાં છારાનગર આવેલું છે. અહીં મોટાભાગના લોકો સ્ત્રી-પુરુષ, વૃદ્ધ બધાજ દેશી દારૂ ગાળવાનો ધંધો કરે છે. જેનું મુખ્ય કારણ બેરોજગારી છે. વર્ષોથી આ ગામ ગુજરાતભરમાં દારૂ માટે નામચીન છે. અહીં ઘરે-ઘરે દારૂ ગાળવાની ભઠ્ઠીઓ છે. કેમ કે, આ વ્યક્તિઓ પાસે ન તો કોઇ હુનર છે, ન કોઈ ધંધો કરવાની સમજ. આ ગામના લોકો જણાવે છે કે, વર્ષો પહેલાં તેઓ ચોરી કરતા હતા. સમય જતા તે ચોરી છોડી દારૂ બનાવે છે. જો કે, તેઓ આ ગેરકાયદેસર વ્યવસાય છોડવા માંગે છે.
વર્ષોથી દારૂ ગાળવાનો ધંધો કરતા લોકો ઝંખી રહ્યા છે પરિવર્તન ..સાંભળો સરકાર
ગુજરાતભરમાં દારૂબંધી છે. પરંતુ આવા કેટલાય વિસ્તારો છે. જ્યાં લોકો દારૂ ગાળવાનો ધંધો કરી પોતાનું ગુજરાન ચલાવે છે. સરકાર દ્વારા આ લોકોને અન્ય રોજગારીની તકો પૂરી પાડવામાં આવે તો કદાચ આ લોકો આમાંથી નીકળી શકે છે.
